بقلم : نورا صلاح عبدالجليل
ليس كل وجع يكون سببه عدو…
أوقــــــات الوجع الحقيقي بيكون من أقرب الناس لينا، من الناس اللي شاركناهم ضحكتنا وأسرارنا وأيامنا.
غدر الصحاب من أصعب المواقف اللي ممكن الإنسان يمر بيها، لأنه بيهز الثقة وبيغيّر نظرتنا لناس كتير حوالينا.
الصحوبية مش مجرد وقت بنقضيه مع بعض، الصحوبية مواقف، وأوقات الشدة هي اللي بتكشف حقيقة كل شخص.
فمن ممكن تكتشف فجأة إن اللي كنت فاكره سند، كان مجرد مرحلة في حياتك، وإن اللي كنت بتثق فيه، ماكانش قد الثقة دي.
لكن الحقيقة اللي لازم نؤمن بيها إن كل موقف صعب بيعلّمنا درس.
غدر الصحاب رغم قسوته، بيخلينا أقوى، وبيعلمنا نحط حدود، ونفهم إن مش كل حد قريب مننا يستحق يدخل حياتنا بعمق.
ليس معنى إن حد خذلك إن كل الناس شبه بعض ، لسه فيه ناس صادقة وقلوبها نظيفة، وتستاهل الثقة.
المهم إننا ما نخليش التجارب الصعبة تغيّر طيبة قلوبنا، لكن تغيّر طريقة اختيارنا للناس. وفي النهاية… اللي بيغدر، بيخسر قبل أي حد. بيخسر شخص كان صادق معاه، وبيكشف نفسه بنفسه “ربنا شايف كل حاجة، والحق عمره ما بيضيع.
”روح البلوجر لم تكن سوى مثال لكل إنسان أعطى من قلبه دون حساب، ووقف بجانب الآخرين بصدق، ثم وجد نفسه وحده في أصعب اللحظات.
الغدر هنا لم يكن مجرد موقف، بل تجربة كشفت حقيقة النفوس وعلّمت درسًا لا يُنسى: ليس كل من اقترب منك أصبح صديقًا حقيقيًا.
