حين ينطفئ الضجيج وتبدأ الروح تسمع نفسها لأول مرة
بقلم/نشأت البسيونى
في لحظة ما من العمر بنكتشف إن الضجيج اللي كان مالي حياتنا ماكانش صوت الناس قد ما كان صوت خوف جوانا خوف من الفقد خوف من الوحدة خوف من البداية وخوف من النهاية وبنكتشف إننا كنا طول الوقت بنجري ورا كل شيء إلا نفسنا كنا بنسمع كل الأصوات إلا الصوت اللي كان بيصرخ جوانا يقول كفاية ومع مرور الأيام نلاقي إن أكتر حاجة كانت تعطل طريقنا هي التعلق التعلق
بذكريات التعلق بوجوه التعلق بأماكن التعلق بوعود عمرها ما كانت لينا التعلق اللي كسرنا من جوه قبل ما يكسرنا من بره ومع أول مرة الروح تهدى وتهرب من الزحمة نسمع الحقيقة اللي عمرها ما اتغيرت إن اللي مراحش مكنش هيفضل وإن اللي مجاش مكنش ليه مكان وإن اللي وجعك مكنش شايفك أصلاً وفي وسط الصمت اللي يجي بعد تعب طويل نلاقي إن القلب بدأ يعقل وإن الروح بدأت تعيد
حساباتها وإن الطريق اللي كنا فاكرينه نهايتنا طلع مجرد منحنى بسيط في مشوار أطول بكتير من اللي توقعناه ونلاقي إن كل سقوط كان بيعلمنا نمسك في نفسنا أكتر وإن كل خذلان كان بيزقنا ناحية باب أنضف بكتير ومع كل خطوة جديدة نكتشف إننا كنا بنضيع وقتنا مع ناس نص بوجودهم تقيل ونص كلامهم مزيف ونص نيتهم مش لينا وإن اللي كنا فاكرينه سند كان مجرد جدار
وهمي كان بيقع أول ما نه عليه وإن اللي كنا شايفينه قريب كان مجرد ظل بيمشي وقت الشمس وتحت أول غيمة يختفي
وبعد نضج طويل نعرف إن أعظم قوة في الدنيا هي إنك تكون قادر تقول لا تقول لا للوجع لا للتقليل لا للتعليق بقلب مش لاقي أمانه لا لعلاقات نص روح ونص مشاعر ونص حضور وإنك تعرف توقف وتقول أنا كفاية علي نفسي ودي مش قسوة دي نجاة ولما نبدأ
نختار نختار بعقل مش بقلب نختار بنضج مش بخوف نختار ناس مش محتاجين يثبتوا شيء لأن وجودهم أصلاً كفاية نختار اللي يطمن الروح مش اللي يحرك فراغ مؤقت نختار اللي يقرب بصدق مش اللي يظهر حسب الظروف نختار قلوب مش وجوه ونفهم إن الحياة مش سباق الحياة سير هادي وواعي وإن السرعة مش دايما توصل السرعة ساعات تضيع وإن البدايات اللي كنا بنخاف منها هي
اللي هتبني نفسنا من جديد وإن اللحظة اللي نستسلم فيها للصمت هي نفس اللحظة اللي نبدأ نفهم فيها كل شيء وفي آخر المشهد نلاقي إن الروح لما تسمع نفسها لأول مرة تتغير للأبد تتخف من الوجع تتحرر من التعلق تتحول من شخص بيجري ورا الدنيا لشخص الدنيا هي اللي تيجي عنده لأنها أخيرا لقت روح متصالحة مع نفسها قلب فاهم مكانه عقل ما بقاش يضيع وقته مع حد ما
يستاهلش واللي جاي دايما أهدى وأصدق وأنضف لما نسكت الضجيج ونسيب الروح تحكي حكايتها الحقيقية
عرض الرؤى
معدل وصول المنشور: ٣
كل التفاعلات:
١
